جريدة الشاهد اليومية

الثلاثاء, 10 سبتمبر 2013

زمن عمليات التجميل

@shayb_shbab
اللي يبي يتزوج اليوم لازم يطلب من اللي يخطبها تعطيه صورها من لما كانت بالروضة الين وقت الخطبة »عشان يتأكد من »خنفرتها« شلون كانت والا لا يلوم
الا نفسه لي يات خلفته كلها خنافر.
ويتحسف تالي »ويدق ويلطم« ولا الخدود و»البچم« والعيون والعدسات وتفخ الخدود وعمليات التكميم »مثل ممثلاتنا كل وحده چنها درام وصارت موديل« والمطربين والطباخين والاعضاء »وصلنا مربط الفرس« الاعضاء الاعضاء الاعضاء شوفوا تاريخهم وهم صغار الين وصلوا مرشحين وتنتخبونهم قبل لايتجملون ويتميلحون عليكم شنو كانوا ووين كانوا وشنو اشتغلوا وباقوا ولا ماباقوا وچم بذمتهم المالية ومنو داعمهم علشان تالي يذلهم »الحكومة
ولا اشخاص«.
اليوم لي ياك معرس حق البنية قبلها بچم شهر يصلي بالمسيد »المسجد« اللي يم بيت البنية.
»عقب تايلند« وتالي يروح الخفجي يسوي ضروسه ويروح الحلاق »اقصد الصالون« يسوي بديكير ومنيكير »يسنع حوافره« وياخذ سيارة اخوه والا رفيجه »بيكشخ« وعقب هذا وذاك اييك البيت ويقول عمي انا ياي اطلب القرب منك وابي بنتك تزوجني اياها على سنة الله ورسوله.
وعقب ماتسأل وتتعب تلاياها بتوافق »مبروك
يا المقصه« يابك كتاف.
انزين شنو لازم تسوي للي يبي يصير معرس على ديرتك الكويت »المرشح اللي بيصير عضو«.
تعطيه صوتك علشان الطائفية والا القبلية والا صلة القرابة والا علشان رفيج واحد من ربعك.
فكر، اسأل، دور، وتالي عطه صوتك »لاتصير اثول وتنصاد تالي« هذي الكويت
لايصيدونك
ياصاحبي لاتخلي اي مرشح بالحچي
يلوتك
بالحچي المعسول تراه يمكن يبي
موتك
شوفه كفو ولا لي وصل تالي
بيشوتك
واربع سنين يبوق مو بس بنتك يبوق رزق عيالنا كلنا وتالي اتندم
حاسبوهم بالصناديق

إضافة تعليق

إن التعليقات المنشورة لا تعبر بأي شكل من الأشكال عن رأي الموقع و الموقع لا يتحمل أي مسؤولية قانونية أو أي أعباء ماديه أو معنويه من جراء التعليق المنشور وبالتالي صاحب التعليق وحدة هو من يتحمل المسؤولية الكاملة.

مود الحماية
تحديث