الأحد, 31 مايو 2009

باصات‮ ‬خمس نجوم

خالد الحربي
هذا البريد محمى من المتطفلين. تحتاج إلى تشغيل الجافا سكريبت لمشاهدته.

اشلون نحل أزمة المرور في‮ ‬الكويت خصوصا انها في‮ ‬ازدياد كثرة سيارات ازدحامات شوارع بدت اتصير ضيقة‮ ‬يعني‮ ‬يبيلنا ميزانية ثانية عشان انوسع الطرق ونبني‮ ‬جسور وبدال ثلاث حارات انخليها خمس مثل الدوائر خمس وهذا‮ ‬يبيله وقت ومجهود اضافي‮ ‬وخل نلحق قبل لايزيدون البشر ونبتلش واتصير الزحمة خنقة،‮ ‬الحل الأمثل في‮ ‬امرين‮ ‬يا نستغني‮ ‬عن العماله الوافدة ونتوهق في‮ ‬بعض الشغلات ونعتمد على انفسنا‮ ‬يا ان الدولة اتزيد سعر البانزين دبل بحيث ان المواطن‮ ‬يلجأ الى ركوب الباص،‮ ‬وهني‮ ‬طبعا مو اي‮ ‬باص نركب،‮ ‬لابد ان وزارة المواصلات تجهز باصات خمسة نجوم بحيث‮ ‬يكون فيها كوفي‮ ‬شوب وحمامات وخدمة ضيافة ولا ترى محد بيركب الباص،‮ ‬واكيد طبعاً‮ ‬مو الكل لأن مو الكل بيستغني‮ ‬عن السيارة،‮ ‬البعض،‮ ‬ويمكن الاغلبية والسبب سعر البانزين ادري‮ ‬يمكن بيزعلون علي‮ ‬كثير،‮ ‬بس‮ ‬ياجماعة ملينا من النطرة ساعات جدام الاشارات خصوصا وقت انصراف المدارس،‮ ‬والله ملينا واذا في‮ ‬حل قولوا او قدموه للحكومة‮ ‬يمكن نرتاح ونرد،‮ ‬الواحد اذا واعد احد او راح دوامه او راح‮ ‬يجيب اعياله‮ ‬يجي‮ ‬ويروح على وقته وترى مو عيب ركوب الباص على الأقل وقت هدة المدارس ولا اشرايكم؟

إضافة تعليق

إن التعليقات المنشورة لا تعبر بأي شكل من الأشكال عن رأي الموقع و الموقع لا يتحمل أي مسؤولية قانونية أو أي أعباء ماديه أو معنويه من جراء التعليق المنشور وبالتالي صاحب التعليق وحدة هو من يتحمل المسؤولية الكاملة.

مود الحماية
تحديث