قاعدين نسولف حنا الشباب ملينا كل ديوانية رحنا مجمع جذي حلو من المجمعات اللي بالكويت اللي ننخش فيها من الحر وحرارة الجو وهم نشوف حالنا حال هالعالم نحب هالسوالف عشان اذا ردينا الديواني شفت هذا وشفت هذا نشوف الظواهر الغريبة اللي هبو فيها الشباب يعني في امور قد تكون مقبولة نوعا ما وهذي حياة خاصة للشباب ممكن يعني يسويها مثل ما يبي بس اللي مو مقبول كثر ما هو شيء غريب على مجتمعنا يعني احنا نشوف هبات غريبة يعني في بعض الشباب يسوي تان يبي يغير لونه ما عندنا مشكلة يبا روح اقلب من ابيض الى طيني تيني بعضهم يربي شعره ويسويله عنقوز هذا كيفه وبعضهم يحطون باند وبعضهم يلبس سلاسل بعضهم يحط وشم بعضهم يلبس تراجي هذا اليمثل الاجانب تقليدهم بعضهم مادري يكتب على ايده مثل التوقيع بعضهم نص بنطلونه مشقق هبات هبات حنا قاعدين ولا بهالهبه الجديدة يعني نسمع شرخ شرخ تعدلنا حنا وقلنا هالصوت الجميل وهالمشية اكيد هذي وحدة حلوة يايه يعني كل واحد تسنع مغازل قبل لقينا جذي روسنا جنب الطاولة اللي جنبنا ونطالع الريل نحن نطالع من تحت لفوق وفي بعضنا يطالع من فوق لتحت ولا واحد شاب جميل وسيم مجسم شغل عدل محترم هذا يسلم عليك بايده يكسر ايدك نطالع ولا النص اللي فوق ماله شغل بالنص اللي تحت ريل فيها خلخال حنا تعودنا على الخلخال بس شاب يلبس خلخال وين قاعد بمعركة يعني هذا الخلخال حتة غنوا عليه خلخالك بان يا حلوه فمادري الخلخال وين شايفينه الربع وين هابين عليه بينكم يا هالشباب يعني تكفون هبولنا بشيء الواحد يسولف عنه ويمدحه ما نبي تهبون بشيء الناس باجر تعايرنا فيه ونزعل لي قالوا انتو عيالكم فيهم جذي جذي يمكن في ناس بدول الخليج يسون نفسكم بس مو بديرتهم بره حنا اذا بديرتنا نلبس خلخال بره شيلبسون بعضهم اقول عسى الله يستر عليهم ويحميهم ويهديهم ويوفقهم وان شاء الله عاد يمكن نشوف بعد الهبة الجديدة مادري شنو يلبس، الله يستر علينا.