جريدة الشاهد اليومية

الثلاثاء, 13 سبتمبر 2016

كلٌ يغني على ليلاه

الحقيقة احنا بهالديوانية قاعدين كالعادة اربعة يلعبون كيرم واثنين يسولفون وواحد لاهي بتلفونه وواحد داق مدري شنو طالب من المطعم، والمطعم متأخر بالطلب، وواحد يكلم نفسه يسولف مدري شقاعد يخربط يشوف الاخبار يتحلطم هاا ... ليش ... افااا ... شلون جذي ... شالوا الدعوم وحطوا الدعوم زادوا البانزين وآذوا خلق الله ما يدري الواحد يصعد سيارته أو يروح مشي.... والجمعيات التعاونيه وقفوا قرار من وزارة الشؤون أن يوقفون رحلات العمرة .... وواحد يشكي عن حال ولده يقول يا معود رحنا نوظفه طلبوا أوراق الدنيا .... وواحد يقول ولدي تخرج بمجموع قوي ورفضوه كلية الضباط يسأل هم يبون نسب او يبون شنو ما عرفنا ...كلٌ يغني على ليلاه ... محد عاجبه حاله حتى الي حاله زين هم مو عاجبه حاله ويشكي... واحد مو عاجبه اداء الحكومة وواحد مو عاجبه اداء المجلس وواحد يقول الاتحاد والمجلس الأولمبي الرياضي ... الديرة مختبصة وكلٌ يغني على ليلاه لكن حنا الحقيقة نبي نعرف هالليل هذا متى يزول ونشوف اشراقة نهار هالديرة ،، نبي الناس تسولف عن الانجازات مو تحلطم تكفون يا الحكومة.. تكفون يا المجلس تكفون يا بعض المتنفذين ..عجزنا وحنا نتحلطم و صارت اصواتنا احلى اصوات واحنا نغني يا ليل يا عين يا كويت والشعب يون يقول آآآآه .

إضافة تعليق

إن التعليقات المنشورة لا تعبر بأي شكل من الأشكال عن رأي الموقع و الموقع لا يتحمل أي مسؤولية قانونية أو أي أعباء ماديه أو معنويه من جراء التعليق المنشور وبالتالي صاحب التعليق وحدة هو من يتحمل المسؤولية الكاملة.

مود الحماية
تحديث